الشاعر يوسف الحمله
عين الشمس
:؛؛؛؛؛؛؛؛
حطيت الكُحل
في عين الشمس
ومن ذبد البحر
غزلت الطرحة
شفت الدمع
في عين الشمس
وسألتها قالت
ده دمع الفرحة
لا هديت عليها
ولا إستنيت
خدتها ورحت
أوام ع البيت
جبت المأذون
طلقت البرد
وكتبلي عليها
صمت وصليت
أتاري الشمس
في قلبها نار
من أول حضن
لقيتني غِليت
هربت منها
علي الجليد
مديت إيدي
طلعتلي إيد
والبرد ضحكلي
وقالي تعالى
رديت وقلت
ياريتني ما جيت
أهرب م الشمس
وأروح علي فين
وأهرب م البرد
وأروح علي فين
مكتوب علىَّ نار لاتنين
وأشرب من تل الكبت واخس
:؛؛؛؛؛؛؛؛
عين الشمس
بقلم الشاعر يوسف الحمله
وصورة أبو شنب للفنان حسن الهلالي
ليست هناك تعليقات:
إرسال تعليق