طالع ع بالي شروقي
---------------------
دخلك يا حوا من التفاح طعميني
ومعليش لنو القدر بالنار يرميني
قديش صعبه النظر يقضي العمر مشفوح
وانتي تقولي خطر تُدخل بساتيني
ما عاد عنا وقت بكره العمر بيروح
وحتى ان برمتي الدني مش رح تلاقيني
وبكره فؤادك ندم بيحن عالمذبوح
ومش رح يفيدك اذا هيك حرمتيني
خلي حنانك عطر صوبي شي مره يفوح
ومن خمر تم الحلو طلي واسكريني
ويما سويه منجي مع بعضنا وندوخ
يما ع قبري ابعثي طيفك يدفيني
-------------------------------------
بقلمي راضي مشيلح
ليست هناك تعليقات:
إرسال تعليق