قصيدة ( بهيه بتنادي ) للشاعر (( احمد هلال ))

بهيه بتنادى

بقلمي احمد هلال
ــــــــــــــــــ

قالولنا يوم أخرجوا
ثورة وبتنادي
دى مصر صوتها إتنبح
ما تقوموا ياولادي
وأنا عمرى يوم ما خرجت
وكنت متداري
لقيتني وسط الميدان
بشيل في جرحىَ كمان
وأداوي وأواسي
شالوا اللى كان عاوزين
يمشي بقالو سنين
ولحكمنا باقي
وإتبدلت لاحوال
بدأت معاها اهوال
وإتهربت أموال
وأتقسموا إخواتي
ووقفنا ع الابواب
نحمي وبندافع
بقت الحكومه سراب
ولا عسكري نافع
زرعو مابينا الخوف
والكل بقى راضي
وفتحنا تانى حوار
وقبلنا يحمونا
خربوا ياعينى الدار
ولا يوم رحمونا
بقت العصايا رصاص
تقتل ولا تداوى
وحمانا تانى الجيش
دول أصلهم مني
ولاد وزى الأسود
وأقوى من الجني
وجانا راجل جدع
موزون كده وهادي
بحلم يجينى معاه
الصبح متحني
وأخويا يرجع لى
يحضنى ويهني
وشمس حريتى
تشرق على الوادى
وبهيه تفرد إيديها
وبأعلى صوتها تقول
وحشيني ياولادى
ـــــــــــــــــــــــــ
بقلمي .. أحمد هلال