قصيدة ( قلبي مات ) للشاعر (( فارس ابو تريكه ))

قلبي مات
وكان سايب وصيه
ربنا يسامح ويغفر
لكل واحد جرح فيا
كل واحد بكا عنيه
وفضل عليا يتأمر
علشان كنت بحبه
قام باع واشتري
وظلم وافتري عليا
ربنا يسامح كل واحد
كنت يوم فرحته
كنت فارد ايدي مادد
الخير ينور سكته
بس خابت فيه ظنوني
وصبحت انا ضحيته
انا القلب اللي مات حسره
من ظلم اقرب الناس ليه
انا الحلم اللي كان بكره
جاي بحنين متبرع بيه
لكل قلب حزين اوي
لكل واحد عايش بنار
بيها محروق وبيتلوي
بس ولا واحد طمر فيه
كل اللي شاف قلبي جريح
سابه ولا فكر يداويه
كله بتاع مصلحته صحيح
والوجع لما زاد ع الجدع
قلبه مات من غير تصريح
ربنا يرحم الرحمه
ويبارك في القلوب الجارحه
ويخلي ظلم الاهل عايش
ربنا يرحم الطيبه
ويسترها من اخوات غريبه
ضربوني بسهم غدر طايش
بس صاب قلبي وساب
علامه وفضحاني دمعتي
والله من كتر القسوه خايف
اموت ومحدش يحضر دفنتي
حتي الصحاب طريقها عذاب
وحبيب عمري طلع كداب
وان قابلت الحنيه مره
بصراحه كانت من الاغراب
ربنا يسامح ويغفر
لكل واحد جرح فيا
ربنا يسعد ويكرم
كل واحد حن
لو بالكدب عليا

‏# ابو تريكه