السبت، 26 نوفمبر 2016

قصيدة ( الوشم ع السحاب ) للشاعر الرائع (( إبراهيم القاضي ))





ةةة.. الوشم ع السحاب..ةةة
*****....****
قالوا التالته تابته...والحلو فاضل له زقه
واحنا التالته ساته...فى سته بالمشقه..!
الديك مدام..بيدن ...والفرخه تقول له لأه
ألف لسان..بيرطن...والعدل جاتله..لقه.!
التالته ما تبقى تابته
والنخل يعيش مطاطى.......
زرعوا لنا الأرض كفته...وبيوتنا من الصفيح
هدومنا خيش..وبفته!.... وكلام الليل يسيح
أتارى الدنيا...فته .....والسكته بالفصيح!
خرفان ف عرض بطه....والكل...للدبيح....
الساته لسه تابته
والغنوه أسطواتى...........
قالوا ننام ونحلم...والحلم بالريموت !
ونرسم ع المقطم...ونضحك ع البيوت
نرضع بز ..جوعنا...نشبع لو...نموت !
القطر مش بتاعنا...والسيب والبنوت
ياويلنا لو زرعنا
ونشدنا ع البياتى........
زوقوا لنا الحلم يابا... بالسحر والكتابه
والوشم ع السحابه.....ورقصة الديابه.!
الوهمزف الأغانى .....البصمه بالانابه
ف السعدابقى تانى...والأول ف الاصابه
يتهنى بكل عمرى
ويشوه فى حياتى........
البث مش مباشر...والشاطر شفروه
الضرب بالضوافر...والصاحى كسروه
البحر لسه عاقر....عايزين ..يدكروه
عباره للمسافر....مدهونه بالكاروه.!
غرقنا ف بحر روحنا
القانونجى والناياتى......
يا قطه ليه سكاتك...ع النط والمواء ؟
ياقطه فين..بناتك....والصبح والمساء
ودفتر..ذكرياتك ....صفحة ..السماء
وبلبل كان يغنى ... لحنه بانتشاء...
دقاتك حته منى
وآهاتك من آهاتى.....
ياهدهد..هدهدوك...زيى وزى ..أبوك
الصفر ف المحافل ...والزيرو ف البنوك
والسلطه لكل جاهل..والصقر للديوك !
الفرخه رغم عنك ... بتحن ..للملوك
تبيض غصب عنها
بيضها بالزواتى......
ارجع يا عم ..هدهد...لسه فيه..أمانى
وحبه يوم.. هتولد ... الأرض حد تانى
يقسم معانا ..قوته....ويأصل ف الأغانى
يلاقى الكل ..صوته....فالبحر .والموانى
وموج البحر يهدا
ويبعد عن مماتى.......
عايزين الأولى تابته...والخطوه بألف سته
والصدق كلمه ثابنه....والحب ف كل حته..
الحق يكون ..غطانا....والعدل يكون روجته
نتوضى بالأمانه
وغاياتك أمنياتى...............
***...****
ابراهيم القاضى...2010/7



 
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)