( ما تلوميش )
ما تلوميش على قلب عاشقك من زمان
لما حسه مره يعلا لما يحتاج للحنان
مانتى ابويه وانتى امى طب قوليلى اعشق فى مين؟
لما باحكى تسمعيلى ماتقوليش فات الأوان
..........................................
بالموده نفسى اعاتبك دا العتاب بين الحبايب
مآنا برضو غصب عنى عدى سنى وشعرى شايب
دا الغلا خلانى افاتحك مش لاقيله آخر معاه
شوفة حل يكون راضيكى دى الهموم تملا زكايب..............صدقينى الحوجه صعبه وآنا محتاجلك كتير
لما افضفضلك بحاجه يبقى امرى شئ خطير
مش معناه ان سكوتى هو موتى بس باستغرب عليكى
ما تقوليلى إيه جرالك؟وانتى سرك دا فى بير
.........................................
فرحينى وعشمينى إن بكره الجاى أحلى
إوعدينى بلاش سكوتك لونى سنينى اللى كحله
وان مستقبل ولادى شئ يهمك رغم همك
دوقينى مره عسلك لجل تبقى احلى نحله
ليست هناك تعليقات:
إرسال تعليق