قصيدة ( الفقير الى الله ) للشاعر استاذ ((ياسر شرف ))

الفقير الى الله
========
يارب يا خالق الاكوان ارحم حبيبك الانسان
فقير ومعدم وكلى ايمان ودينى وعقيدتى الاسلام
عاصى وارجع تانى واتوب تقبل وترحم من مخلوق
واعود واحمل تانى فى ذنوب من نفس امارة بالسوء
ووسوسة من كل شيطان وتغفر لى برضه يارحمن
وابكى بحرقة وكلى دموع وكأنى مسحور او مدفوع
واتوب وارجو غفرانك واسجد اصلى فى احضانك
و سألت نفسى ليه العصيان واعود واطلب الغفران
لولاه وهو الرحمن لكنت حشرة فى خبر كان
كرمنى يعنى عن الحيوان وخلقنى فى سلالة انسان
واياته واضحة فى كل مكان بالقدرة والعظمة بميزان
ازاى خلق فى سبع سموات ورفع حدودها بدون عمدان
والارض برضه سبعة كمان وتحتيها زلزال او بركان
وجبال بحور وسهول وديان كله يسبح للرحمن
وطيور تصلى على ألاشجار وحيوان يسبح ليل ونهار
وخلق ده برضه نور وظلام وفيها جنة وكمان نار
ونعمه ظاهرة فى كل مكان تزيدنى شدة بالعرفان
ولو فضيحة يعنى وعار يسترنى دايما الستار
يدينى قوة وشدة كتار انسى واعمل فيها جبار
وفى المرض ادعيه فى نهار يشفينى دايما باستمرار
وفى كل شدة اقف محتار واقول حبيبى هو الغفار
دايما معايا ويحمينى وابليس يجينى وياذينى
واندم وارجع تانى بمرار ويغفر لى برضه الرحمن
ودموعى تبقى برك انهار واتمنى جنة واخاف من نار
دى الحفرة صعبة وفيها حساب مكتوب بدقة كده فى كتاب
ورجعت تانى كده لتراب وذنوبى هى اصل عذاب
ولامال بينفع ولا حتى بنون عملك ده كنزك المدفون
يارب بشفاعة القران وبنور نبينا العدنان
عفوك وكرمك يا منان والرحمة منك يا رحمن
خجلى وندمى زى غطاء يتمنى كرمك ساعة اللقاء
مخلوق ذليل عاصى وفقير يرجو فى عفو خالق وعظيم.

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون