قصيدة ( حازم طفش ) للشاعر (( عوني هشام ))

حازم طفش
========
عقلى راح فى التوهه
وباقى برج فيه فاضى
قطعالى القميص نصين
وبرضه تقولى دا عادى
--------
مش عارف اجيلها منين
لا أنا ابوها ولا قاضى
يا بنت اخزى مره العين
يابنت دا الشباب فاضى
--------
يشوفك مره شاب لعين
ساعتها الوضع مش عادى
هتبقى البلوه فيها اتنين
فيها محاكم مع قواضى
----------
وتانيه عامله مزيكا
لبانه مطلعه نغمات
وبنطلونها انتيكا
مقطع برضه فيه فتحات
----------
بتمشى بخطوه مكسوره
ورسمه وشها ف صوره
بكيلو احمر من البويات
فاكره هتبقى اموره
---------
فين ابوكى وفين اخوكى وفين أمك
خلاص خلاص مابيهمك
خلاص دينك بقى تقليد
لعاده ف يوم راح تغمك
----------
وأل ايه مشى ع الموضه
ياناس التقوى والايمان
زمان ما بتطلعى اوضه
وكان فى نخوه للجدعان
---------
فكرى خلاص بعد عنى
وعقلى كمان مجننى
ياريت قانون يكون حازم
لكن حازم طفش منى
-------
اللطف بيك يارب
=========
‫#‏عونى_هشام‬