قصيدة ( حب صوفي ) للشاعر (( راضي مشيلح ))

حب صوفي
ءءءءءءءءءءء
طلبتي قصيدة غزل طلي تعي وشوفي
قديش كاتب الك اشعار ع رفوفي
ومن يوم يا حلوتي كنا بعد صبيان
بقيتي بقلبي جرح نهده على دفوفي
وياما ع تختي سهرت مع لوعة الحرمان
وعنك لقلبي قلت بتحس بضروفي
بقيتي كانك حلم عايش مع الوجدان
وساعة غيابك ع شكلي اتبعثروا حروفي
وصفيت ضايع عمر مع عتمة النسيان
وماحصدت غير الصبر والشوق بكفوفي
واليوم يا حلوتي ولا شهر نيسان
وصارت وراق العمر عالارض منعوفه
وما عاد تحرز نجي وانقز البستان
ونصبح حكايا ع تم الناس مكشوفه
خلي خيالك معي تحت الجفن سهران
تا ظل انضم غزل في حبك الصوفي
ءءءءءءءءءءءءءءءءءءءءءءءءءءءء
بقلمي راضي مشيلح