قصيدة ( ادراك ) للشاعر (( أمير محمد الأمير ))

------- &&& ادراك &&& -------
شخبطة في كراسة الرسم
فيها شجرة و قلب و سهم
أول مرة يدوق طعم الحب
مشاعر متلخبطة في قلب
ضحكة ونظرة بتقول بحب
لمسة ايد تاخدك منك لبعيد
رعشة تهز فيك قلب سعيد
★
صغيرين طايرين لنا جناحين
قريبين عمرنا ما كناش اتنين
حلم واحد و بيحلم بيه قلبين
و بعدنا ليه ما كناش مصدقين
ازاي بقينا اتنين كمان متفرقين
★
كان سهل نحب و احنا صغيرين
كبرنا و كبرت دمعة ساكنه العين
ياريت فضلنا في الحب صغيرين
برعشة صوتنا الضعيف الي خايف
لما بيموت من خجل على الشفايف
الي من نظرتها تبقى فاهم و خايف
تبوح فتقول بحبك تغنيها في أغاني
★
ايوه عارف ان عدت سنين كتيره
ايوه وحدك لما بقينا كده متفرقين
بس قلبي لسه شايف لون شفايفك
لسه فاكر شخبطة في كراسة رسمك
لسه حتى بيرتعش لما تيجي سيرتك
بيحسك لما يتردد اسم يشبه اسمك
★
ايوه بقينا زي حاجات كتير متفرقين
بس لسه فيه قلبين باحساس طفلين
بيقولو يا ريتنا فضلنا هناك صغيرين
أمير ( محمد الأمير )