ربعيات بعنوان ( مغنواتى الصبر ) للشاعر (( اسطال عبد الله الشرقاوي ))

( مغنواتى الصبر )
..............................
يا مغنواتى الصبر تعه جنيى وسمعنى
دنا ياما قلت كتير ما حد يسمعنى
والحس منى اتنبح حتى الكلام طالع
من جوه قلبى حجر ولاعدشى يوجعنى

يا مغنواتى وقول سمعنى موالك
دنا برضو ابن أصول متبصليش مالك
غير بس هيه الدنيا لطشت فيا
خلت قليل الأصل يشمت لأحوالك

ويا دنيا عجبى عليكى طلعتى ناس على ناس
والحال معاكى انقلب بقت الإيدين تنباس
شفنا معاكى العحب واهو لسه ياما نشوف
ناقض كمان بايديكى تسقينا مر الكاس

كتر الأسيه حرام خفى يا دنيتنا
محناش قد المقام فين هيه كلمتنا
بقى كله بيغنى ولا حد عارف حد
واتفرقوا الأحباب من بعد لمتنا