عيني دايما عليها
ومعاها فين ما تروح
هيا الهنا والمنى
روحي وحياتي انا
النظره منها تسعدني
وترد فيا الروح 
😍
😍
قلبي دايب فــ هواها
وعمري ولا يغلى عليها
بحب اشوفها فرحانه
وتلمس خدي باديها
احس بروحها سكناني
وحروف الحب سبقاني
اهين منها ااااه ياني
اكتب يا قلمي وبوح 😍
😍
لون حروفك علشانها
وانشرها ورد فــ كل مكان
دي ورده وسط بستانها
طرحت وطابت قبل اوان
وحاسب لو هتوصفها
دا حتى الورد غار منها
من جمالها فين هيروح 😍
😍
بحس بيها كده جانبي
مهما كانت عني بعيده
علشان اوصف فــ مشاعري
محتاج انا مليون قصيده
فداها عمري وكله يهون
بس اشوفها سعيده
كفياك يا قلمي بزياده
كلامك عنها مش مسموح 😍
😍
خلينا نعيش الهوى فكره
ونبعد عن عيون الناس
نرسم صوره للذكره
بحب وصدق وباحساس
تفكرنا بساعات حلوه
قمرنا فيها كان وناس
ضمه بلهفه مع غنوه
وسطرناها فــــ الكراس
ليالي سعيده عشناها
تملي عطرها بيفوح 😍
😍 
ليست هناك تعليقات:
إرسال تعليق