ديما يبقا فى اختلاف
يبقا بينا سؤ تفاهم او خلاف
اوعا يوم تفتكر عشان بهاودك انى بخاف
الحكاية ان انا واخد الحياة ببساطة
موش تكبر منى ابدا او الاطة
لا حبيبي صحبي وابنى انتا منى
ولا لو اتشابهت السلع بارت الاسواق
يعنى اختلاف الرأى دة اخلاق
مختلف معاك عادى اختلافنا موش اعادى
يعنى مالاخر كدة وجهات نظر
موش كلامى ولا كلامك مالسما نزل
نختلف ونتعرف ان احنا همنا واحد
كل مصلحة لينا واحد ربنا واحد
ومصر واحدة بس مننا واخدة
طبعنا حامى واختلاف الرئي عادى
فى اختلافنا ااتلافنا وحدة واحدة
والقضية مصر هيا تبقى قوية
احنا مختلفون فى بعض بس فى ود
احنا شعب نحب بعض نختلف
فى النهاية ايدنا واحدة علعدو
واللى بيفرقنا جبان جاى من شباك موش ببان
واللى موش عارف همنا وحلمنا
واللى فاكر انة يوم يهد عزمنا
يبقا واهم يبقا خاين يبقا مختلف عننا
نختلف بود احنا فى اختلافنا جد
نختلف بس موش بيدخل بينا حد
الشاعر يسري خليفة
ليست هناك تعليقات:
إرسال تعليق