قصيدة ( تحت شجرة التوت ) للشاعر (( شعبان أحمد ))

تحت شجرة التوت
ع الترعه وانا آعد
نمله وشايله دبور
تعبان وبينازع
من يومه كان بيزن
ع العش وخرابه
قرصته نحله صغيره
طايره بجناحين
ماشيه ومتغندره
والكحل مالى العين
فى يوم من الأيام
زن عليها وقال
ماحد زى زى
أنا فى الرجال مغوار
خيال ولا أى أى
برم شنباته وطار
يزن ع النحله
طالب منها الوصال
والقرب بالمره
ضحكت من كلامه
وقالت نعمل لك اختبار
لسعته واحده ع الطاير
كومته ع الأرض
اتشال واتنفض واترمى
مال ابو الرجال على جنب
شالته نمله صغيره
أوام أوام ع الجحر
فرحت وقالت رضا
نحمد مجيب الدعاء
وهبنا وجاد بالكرم
رزق وخزين السنه
علشان يبطل زن
وعجبى

شعبان أحمد ...... مصر