قصيدة ( جنون المول ) للشاعر (( ياسر شرف ))

جنون المول
========

البدعة يعنى شىء مجنون ومثالها هو فكرة مول
الناس بتدخل كده بجنون وتجيب فى شطة مع كمون
فى الاصل يعنى كان معمول لشراء حاجتنا بكل سكون
لكن دى فوبيا المشتريات بتصيب ده بالجملة عملاء
تخش فى الهايبر بالذات وتلاقى جملة عربيات
وتاخدها نادية مع فتاكات وعليها يتسابقوا الستات
ويملوها فى بضايع انواع لأى شيء ممكن يتباع
زيوت لحوم وبقالة كمان فاكهة وعصاير اشكال والوان
ويفضوا وبسرعة الدكان والدفع صدمة فى اى مكان
ويبقى الجنون فى المشتريات بدون لا رحمة ولا احتياجات
والدفع مطلوب من الازواج عشان عيون يعنى الزوجات
والموضة فى شراء اى هدوم لازم تجيبه كده من المول
ويخشوا ويشوفوا فى حاجات ويفضلوا برضه لساعات
والمول ده كله فى محلات نفس البضاعة وبمقاسات
لكنه طبع فى الستات ورجالة برضه بعض ساعات
ولو قلت يعنى مافيش ده فلوس يقولوا ده بخيل او موكوس
وفى كل مرة تلاقى اسعار بترتفع وتولع نار
ولا يبقى عندك اى خيار والعقل تاه وكمان احتار
ومن كتر يعنى المشتريات لقيت هدومى فى المبيعات
شباب كتيرة مع شابات عشان ما يبقوا ابن ذوات
لازم يروحوا المول بالذات ويجيبوا كل المشتريات
ولو رفضت تروح المول حتبقى رجعى او مجنون.

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون