قصيدة ( الغربه ) للشاعر (( خلف محمد أبو عويضه ))

قصيدة عاميه بعنوان (الغربه )
بقلم/ الشاعر خلف محمد أبو عويضه

غربتنى الدنيا من بدرى
وأنا صغير فى بلاد يقولوا
علينا فيها اخوات

لسانهم زينا لكن كأنهم
يتكلموا لفات
وكفيل شايل معاه الجوازات
وهم تقيل على العيال ولمات
فرحت لما الدنيا ضحكت لي
وقالوا مسافر الإمارات
قلت خلاص يا ود أهي ضحكت
حتروح بلاد الخواجات
أتاريها دنيا كدابه تضحك بس
اللى عندهم شهادات
وغربه مره مرارة الدم
والحلو فيها يتفات
وليلها طويل تدوخ فيه
السبع دوخات
وناس وشوشها تضحك
وهى من جوه سبع سلمات
وكفيل شادد الهما على
الدينارات
يحسب مت أول السنه
ولما تخلص يسألك هات
كأنه عرق معاك فى
الفلوسات
أتاريها الدنيا هى هى
رب هنا رب هناك
..............بقلمى انا / خلف محمد .............
15/8/2015