قصيده ( صرخة ألم ) للشاعر (( محمود بدر ))

صرخة ألم
▬
▬
كل قلب له حبيب •
خايف عليه ومنه قريب
فـ قُربه تحلى أيامه
وينسى كل آلامه
ويكون الفرح نصيب •
▬
▬
وانا قلبي عايش وحيد •
الحبايب عني بعيد
القسوه طبع فيهم
ولا مره صعبت عليهم
وقلوبهم زي الحديد •
▬
▬
اشكي لمين انا همي •
اقول لمين ويسمعني
ليه كل حاجه حبتها
وجوا قلبي خبتها
بسهوله تمشي وتنساني
وبكل قسوة تودعني •
▬
▬
قلبي داب مــ العذاب •
بودع كل يوم احباب
لا يوم عشته فرحني
ولا حد بكلمه ريحني
الكل قاصد يجرحني
لما الشَعر مني شاب •
▬
▬
واقرب إنسانه من قلبي •
ما قدرت فـ يوم حبي
لا حست يوم بأوجاعي
ولا كانت حضن بيساعي
اترمي فيه واشكيله
ويحس بيا ويفهمني •
▬
▬
مع اني كتير بكون حساس •
قريب مــ البشر والناس
لا عمري كنت يوم قاسي
شايل حبايبي فوق راسي
بعاملهم بكل ضمير
وبكل صدق وبإخلاص •
▬
▬
خلاص الهم ماليني •
مافيش ملامح لسنيني
مش عارف العيب فيا
ولا انا بتخدع فـ الناس
افرشلهم الأرض ورد
وأعملهم خدي مداس
يكون مصيري اتألم
والاقيني ع التراب بنداس
ومش لاقي حد يواسيني •
▬
▬
ااااااااه يا قلبي يا موجوع •
يالي فـ حبايبك كنت مخدوع
نفسي ترتاح ولو مَره
وتنسى ايامك المُره
والهم يشوف طريق تاني
يكون طويل مالهوش رجوع •
▬
▬
( كلمات • محمود بــــدر )