قصيده ( القلم ومزاجه ) للشاعر (( محمد العربى ))

القلم و مزاجه
التاريخ مش بس
كراسه و كتاب
و قلم بيكتب بالمزاج
هتغيروه و تزوروه
و تضلَو فى عقول الشباب
التاريخ مش كلمتين جوَه الدماغ
التاريخ فى القلب وسنينى اللى فاتت
التاريخ فى الأرض مهما الغنوه ماتت
التاريخ اللى انكتب بالدم
لسه ف أرض سينا
دم ابويا و دم جدى
ف كل حبة رمل
بتشاورعلينا - احنا سينا
وروحنا سينا و مصر سينا
يعنى مهما عملتو فينا
التاريخ عارف صحابه
و القلم بمزاجه يكتب
ذيى م تملَيه دماغه
بقلمى \ محمد العربى