ياواد يا أحمد
بقلم احمد هلال
ـــــــــــــــــــــ
ـــــــــــــــــــــ
حبيبي ياضيا عيني
يا أغلى عندى من نفسي
لا كان ذنبك ولا ذنبي
بعادك والله ,, تاعبني
ولما بتفارق حضني
وتمشى كمان بعيد عني
بدارى الحزن جوايا
وأخبى الدمع فى عيوني
ليفضحني ..ويكشفنى
يبين ضعفي أدامك
وأنا اللي بإسمي سميتك
وأشوفك من بعيد تكبر
وتيجى ثواني فى حضني
بناديلك ....
ياواد يا احمد ..!!
تجينى قوام هنا تجري
وتفرد أيدك ,, تلاعبني
تبوسنى كمان على خدى
تضم أحضانك كدا بحضنى
وف الأخر بتبعد ليه بعيد عنى
وقولت أضحي انا بروحى
واروح أرجع
عشان تفضل كده جمبي
ومن بُعدى لا تتوجع
لقيت الجرح جوايا بيوجعنى
ورافض مني يوم ,, يسمع
ولو تكفي دموع العين ف غيابك
لجبت عيون على عيوني
عشان تدمع
ــــــــــ
بقلمي .. احمد هلال
ــــــــــ
بقلمي .. احمد هلال
ليست هناك تعليقات:
إرسال تعليق