قصيده ( أنا كلك لا أنا بعضك ) للشاعره الكبيره (( رضا عبد الوهاب ))

أنا كُلك لا أنا بعضك
ولا جزء صَغير منك
أنا المكتوبة بالخطين
على جبينك ,,أنا
أنا المخلوقة من ضلعك
فمن فضلك ,,ماتخذلني
ولاتحملني فوق طاقتي
ولا طاقتك
دا عُكازي صبح إنتَ
وصالبة طولي وبتسند
على ,,,كتفك فقويني
على الدنيا لا تكسرني
دا ضعفي وقوتي منك
ياضامم قلبي فى أحضانك
وغارسني فى ربوع قلبك
مدارك كوني ,,,,أسراره
بدايته ,,,,كانت إنتَ
ونهايته فى غربتي عنك
ياوحى الشعر والأنغام
وكل حروفي تندهلك
أنا عشقاك عشق حمامة
لبنية,,,أنا بنية فى لفتها
اتولدت ,,,,على يدك
وأول ما حِبيت وخَطيت
مشيت ,,,عندك
وأول ما اتوجع قلبي وقال
الآآآه ,,,,على يَدك
وأول كلمة على لساني
حسَّاها وحسَّاني كانت اسمك
فخُدني بين رموش عينك
وخَبيني بين النني ,,يا أجمل
حاجة فى ملامحي,,,,,ياكُلي
ياكل فرحتي ,,,,,,منك
22/5/2016
‫#‏الشاعرة_رضاعبدالوهاب‬