قصيده ( زي القمر ) للشاعر الرائع (( محمود بدر ))

زي القمر

••

حبيبتي زي القمر
ساكنه قلبي وعنيه ـــ
علمتني معنى السهر
عنها مش هبعد ثانيه ـــ
مين دا اللي يقدر يوصفها
ويقاوم جمالها ورقتـــــها
دي اجمل ورده فـ بستانها
وفرحة ايامي الجــــايه ـــ
ملاك يا ناس وطيبه
من قلبي دايماً قريبه
عاشق والشوق غلبني
والبعد عنها بيتعبني
محتاج لها دايماً جانبي
مش هشبع منها حنيه ـــ
قلبي دايب فـ هواها
وعمري ولا يغلى عليها ـــ
بحب اوشوفها فرحانه
وتلمس خدى بإديها ـــ
وقتها بتحلو الدنيا
والهم بيسبني ويمشي ـــ
دايماً صورتها قدامي
وبغيرها أنا ما بحلمشي ـــ
سبحان من صور جمالها
وحسنها ورقتها ـــ
قلبي دايب فـ هواها
ايوه حقيقي حبيتها ـــ
بيقولو القمر فـ السما
وصعب جداً اوصله ـــ
قولتلهم انا قمري هنا
لامسني واخدني فـ حضنه ــ
بيقولي حبيبي وحشتني
قربني منك ضمني ـــ
وقلبي طاير مـ السعاده
وكأن عمري بيبتدي ـــ
الله عليها الدنيا
طول ما هيا جانبي ـــ
بحنان ورقة تبصلي
وتقولي قرب مني ـــ
وادوق شهد الغرام
وابقى معاها متهني ـــ
عاشق كل تفاصليها
ونفسي تكون نصيبي ـــ
قلبي بيرقص مـ الفرحه
لما بتقولي حبيبي ـــ
حبيبتي زي السكر
على بعدها مش هقدر
علشان عيونها اعدي بحور
ويهون تعبي وتعذيبي ـــ
بس تكون عني راضيه
وتقولي ما تغيبش عني ـــ
والمس اديها واحضنها
واعيش وياها متنهي ــــ
عرفتني طعم السعاده
ومحتاجها دايماً جانبي
ربنا يحميها لشبابها
وتكمل معاها حكايتي ــــ

••

( كلمات •• محمود بدر )