قصيده ( دعوه للأبتسامه الصافيه ) للشاعر (( شعبان أحمد ))

دعوه للأبتسامه الصافيه

نضحك...هو الضحك فى زماننا خطيئه
يمكن مره ضحكه بجد....تداوى جراح
على الأقل تكون ببلاش
من غير زعل ولا مجهود
نضحك...ونعللى الضحكه....تمسح دمعه
تخللى الصعب فى حياتنا يهون
زى ما كان نفسنا من بدرى
نحقق حلم ويكون معقول
ياريتها ضحكه من قلبنا يارب تدوم
زى زمان أيامنا الحلوه....طلعت تجرى
سايبه هموم.....عندى يقين جوايا أكيد
هييجى اليوم....تطلع فيه الشمس
تدفى قلوبنا...وتمسح عنا غبار الحزن
هى حقيقه ولا أمانى... لازم نضحك
بس ياريت تكون من القلب
أصل القلب دواه الفرح
ممكن نضحك ؟؟؟؟
أتمنى بجد تكون من القلب

شعبان أحمد ..... القاهره