{{دموع فى المحكمة}}
أوعك تكدب تانى عليا
ولاتجيب سيرة الماضى
أصل أنا شوفت خيانتك ليا
وجرحك جوايا أصبح عادى
بعت سنين حب وحنية
عشت أنا فيهم بس وافية
دوقت المر وقولت مرادى
بس خلاص اليوم واقفين
ولا راح يشفع دمع العين
ويحكم بس مابينا القاضى
عايزة أنا بس حق أولادى
عايزك بس تقولى دى مين
اللى عشانها بعت الكل
عشت أزرعلك فل وياسمين
وأنت سقيتة هجر وذل
ساكت لية ماترود عليا
قول مظلوم لو كنت ضحية
ساكت لية دافع عن نفسك
مكسور لية فين راح حسك
بعد ماخانت فيك الشيبة
جى بتلوم وتقولى غريبة
غلطة وسامحينى ياحبيبة
والله بربى عمرى ماأسمحك
ولا تانى أحلم بملامحك
لو يوم تقدر على جرح الناس
جرب بس تداوى جرحك
أنا عايشة بس لاأولادى
وراضية بحكم القاضى
{{ دموع فى المحكمة}}
بقلم الشاعر
السيد أنور إبراهيم محمد
ليست هناك تعليقات:
إرسال تعليق