قصيده ( عارفه ) للشاعر (( محمود يدر ))

عارفه
•••
من يوم لُقاكِ حبيبتي
والدنيا جميلة بتضحكلي ـــ
حاسس معاكِ بأمان
وقلبي مـ الفرحة بيغني ـــ
عرفت معنى السعادة
وبقيت عايش متهني ـــ
حبك عطاني القوه
عيشني دنيا حلوه
معاكِ هتكمل حكايتي
يا روحي وحته مني ـــ
قلبك طيب حنين
عليا دايماً خايف ــــ
يا أم ضحكة تجنن
مرسومة بأجمل شفايف ــــ
قبل ما تقولي بحبك
ببقى حاسس وعارف ـــ
بقولك من كل قلبي
عمري ابتدى وياكِ ـــ
يا أجمل حاجه فـ دنيتي
انا كلي ملكك . فداكِ ـــ
عيوني مش شايفه غيرك
يا أجمل نجمة فـ سماكِ ــــ
انتِ عشقي ومُنايا
هفضل احبك وأتمناكِ ـــ
وانتِ معايا بحس اني
قلبي طاير مــ السعاده ـــ
روح وساكنه جوا مني
حلاوتها سكر زياده ــــ
وانتِ حبيبتي بعيده عني
بيبقى شوقي فوق العاده ـــ
نفسي اضمك بــ قوه
وتسمعي دقات قلبي ــــ
تتنهدى وتعلى آهاتك
وتقولي خليك جانبي ـــ
بكل شوق أبصلك
والمس خدودك وأبتسم ـــ
وأشوف فـ عيونك عمر تاني
بكل حب بيترسم ــــ
واعترف قدام عنيكِ
قلبي يفضل ملكك انتِ ـــ
تقوليلي والشوق ماليكِ
خليك لامسني . حاضني ـــ
وتقربي أكتر وأكتر
والهم يمشي بعيد عني ـــ
ويملاني شوقي اليكِ
يا ملاك نساني أسمي ـــ
ربنا ما يوم يبعدني
عنك يا واخداني مني ـــ
•
•
( كلمات • محمود بدر )