ملعون أبوك ياهوى
بقلم أحمد هلال
ــــــــــــــــــــ
ولو أيامى تهنالي
وأعيش العمر م الأول
وترجع للحشى تانى
ياريتك بس ما تطول
وتسكن تانى أحلامي
وعن حلمي ما تتحول
وكان لينا الفراق مكتوب
قلوب تتعب معاها قلوب
وجرح يدب جوانا
واعيش العمر ليه مغلوب
بقيت عايش أنا رحا ل
وجوة جراحى متسول
رسمنا ف الخيال
صوره ومكتوبه
ايام عرفها الهوى
ويانا محســـــوبه
طب قولى فين الدوا
فى حاجات ومطلوبه
قالوا الغرام عزتك
مشيتنى ليه سكتك
مشوار وهيطول
أيام زمان ياما
حكينا عن بكره
بنينا قصر الهوى
وعملنا كام فكره
رسمنا فوق الرمال
أحلامنا بالميه
وبنينا ياما اسوار
أشواق وحنيه
وبموجه وحده أنهد
ضيع أمانيه
ملعون أبوك ياهوى
لو ذكرى وتطول
خلاص راح أبعد أنا
مارجعشى للماضى
هقفل بيبان الحب
كله كلام فاضى
خليتنى ليه أعشقك
وتعبنى ع الفاضى
ياللى الغرام لعبتك
إقفل بقى دنيتك
وإرجع من الأول
ــــــــــــ
بقلمى أحمد هلال
ليست هناك تعليقات:
إرسال تعليق