قصيده ( بحبك يا بلدى ) للشاعر (( شعبان أحمد ))

بحبك يابلدى

إن كان ع الشوق ف القلب مدًارى
يا نجمة السما يا لحنى وغنائى
أنا من زمان الصبر موْوًالى
يا عزوتى وجاهى وكل أحوالى
يا صابره يا طيبه يا دنيتى وآمالى
و نقول كمان فى حبك غناوى
سطرين محبه ف القلب دقه
ترسم حكاوى يقولها مغنى
يكتبها شاعر بحبك ينادى
فى الساحات وفى النوادى
يعزفها فنان على الربابه
وانا من غلاكى روحى فداكى
ع المحبه أنا والله ناوى
أفرش سكتك غناوى
وازرع فيها ورد أبيض
زى لون قلبك الصافى
واغزل من عيدان الورد تاجك
فوق راسك يبقى طرحه
تبتدى من يوم ميلادى
كل همسه فى حبك فرحه
وينحسب عمرى معاكِ
من أول خطوه على ترابك
انتى دايما جوه فى قلبى
دقه واتحسبت من عمرى

شعبان أحمد....مصر