قصيده ( خليك دايما جانبى ) للشاعر المبدع (( محمود بدر ))

خليكِ دايماً جانبي
••
خليكِ دايماً جانبي
يالي حياتي احلوت بيكِ ـــ
دوبيني فيكِ اكتر
اسقيني الغرام بأديكِ ـــ
انتِ صورتك جوا قلبي
سكناني مونساني ـــ
يالي ملكتيني بحنانك
من كل البشر وخداني ـــ
هفضل طول عمري أحبك
وغيرك مش هحب تاني ــ
وانتِ معايا وحشاني
وقلبي دايماً مشتاقلك ـــ
يالي بجمالك سحراني
وكُلي دايب فـ ملامحك ـــ
عيوني شافت كتير
بس ما شوفت فـ جمالك ــــ
من نفسي عليكِ بغير
يا سابقه عصرك وأوانك ـــ
عرفت معاكِ طعم السعادة
ونسيت بيكِ الألم والآه
يالي مافيش زيك فــ حسنك
ولون خدودك يا محلاه ـــ
يا قمر نور دنيتي
وخلاني اعشق سماه ـــ
عارفه وانتِ بعيده عني
روحي بتتسحب مني
وقلبي يفضل مستني
لحظه تجمعك وياه ــــ
خليكِ دايماً جانبي
يالي من روحي وخداني ـــ
وانتِ هتحسي بشوقي
وتدوقي حبي وحناني ـــ
اتعلمت الحب عشانك
وعنك مش هبعد ثانيه ـــ
انا قلبي مخلوق علشانك
يالي غرامك أجمل دنيه ـــ
•••
( كلمات • محمود بـــدر )