قصيده ( سطور الوجع ) للشاعر المبدع (( محمود بدر ))

سطور الوجع
•
حقيقي الضحكة وحشاني ـــ
نفسي ترجعلي من تــاني ـــ
تملي عايش بجراحــــــي
والفرحة بعيده نسيـــاني ـــ
حبيت وأخلصت فـ حبي
وروحت بقلبي وعواطفي
لقــلب خدعني بكــــــاني ـــ
ظالم ماقدرش يوم حبـــي
دوقني مرار الكاس بدري
لا عمره بكلمة ريحنـــــي
تملي قاصد يدبحنـــــــــي
بسهولة هد إللي كان بينا
وراجع يقول انا الجــــاني ـــ
سحروني عيونه الكدابين
بنظرة حب خداعه ـــ
قالي بعدك هعيش لمين
ومثل دوره ببراعه ـــ
صدقت كدبه وغمضت عيني
وقولت خلاص احلوت سنيني
اتاريه ع الغدر كان ناوي
ما حسش بيا ولا ساعه ـــ
صعبان عليا يكون جرحي
من اكتر حد حبيته ـــ
اديت له كل ما عندي
وجوا عيوني خبيته ــ
دورت على الحب كتير
ويارتني ما كنت لقيته ــ
بكتب همومي سطور بقلمي
وبقول جايز تخفف عني
ما جاش فـ بالي ولا مَرهــ
يخدعني إللي من عمري اديته ـــ
هعيش حياتي من تاني
وهنسى جاني بكـــاني
هدور على حب يسعدني
ينسيني كل احزاني
••
( كلمات • محمود بدر )