قصيده ( أعضاء للبيع ) للشاعر (( هانى ادم ))

أعضاء للبيع
و حضارة للبيع
و تاريخ مش ملعوب فى أساسه
نيل بيغنى
و برج محنى
خدوا فوق البيعه وطنى بناسه
أعضاء بشرية و جيل بايظ
لو طفح الكيل هيموت عاجز
فرعين نيل لو ناوى على رحله
سقاره مع شرم فى وادى دجله
خد منى و ما تبصش يا زبون
اﻷرض بعرض الطين معجون
عواد عمره ما غش زباينه
و لا قال ﻷ قصاد معوناتهم
زمته واسعه و نفسه عزيزه
خدوا فوق شارع شبرا الجيزه
خدوا أحلام كلها ورديه
و تاريخ مش ملعوب فى أساسه
خدوا فوق البيعه وطنى بناسه

‫#‏هانى_ادم‬