قصيده ( الطير الجريح ) للشاعر (( محمد العربى ))

الطير الجريح
أنا الطير الجريح
لكنى لسه بطير
و لو كل الطيور
هاجرت أنا اللى بغير
دنا اللى وعيت على الدنيا
لمست حدودى على أرضك
بطير بجناحى و ارجعلك
و عارف ان ده حدك
و بطمن و انام مرتاح
و لو هبت رياح آسيه
م بتخضش
تهز جناحى بالعافيه
وانا متبت
دنا اللى بضحى علشانك
و انا القلب اللى بيحبك
و انا اللى رضيت بحرمانى
و هنت وبرضه مبعدتش
دنا الطيب و انا الغلبان
وانا اللى بولَع الشمعه
و انا الصابر على الايام
حزين و بدارى فى الدمعه 

بقلمى \ محمد العربى