قصيده ( تفاصيل غيابك ) للشاعر (( هانى أدم ))

الشاعر هاني آدم

 

‏

تفاصيل غيابك فى الوجع مذهب
و رجعتك نسمة هواء لمخنوق
و أنا قلبى على قد الوجع مغرم
حالف يموت فى الشوق لحد الشوق

مفرد فى بعدك جمعه خلانى
بأحس طعم الحضن فى لسانى
و أشتاق لضمه تلم فى حروفنا
تطرح ولد فى ملامحه عنوانى

لا الدنيا قدرت بكل أشجانها
تشيلنى منك نبضك فى العروق
و أنا قلبى على قد الوجع مغرم
حالف لأموت فى الشوق لحد الشوق

هانى آدم