دعوى صحة توفيع
أنا بقول
صاحبت صاحب يا هووه خد مني و ما أداني
ضيعني بمحبته وظلمني و أذاني
إديته من غير حساب و الجيب كان واحد
و مالي كان هو ماله و المسألة واحد
فرج علي الخﻻيق و جابني و وداني
دانا لما لقيته عريان في بيتي سكنته
واديته دور واحد
و جهزنا حبر و ورق و اللي كتب واحد
وكان شهود على الكتابة إتنين مش واحد
ما قبضت منه كتير و ﻻ جنيه واحد
و إديته عقده في إيده و إداني التمن صبر
من صوته و عنيه
و إللي يبيع باﻷجل محتاج له عﻻم وضمان
قالتها ستي زمان (إللي ما ربوهوش أهاليه يربيه الزمن وحديه..أي وحده..
قام لما ظروفة إرتاحت بدل مايسد الدين
شكاني و بكاني
و بعتلي في يوم حزين من المحكمة واحد
عشان يثبت الملكية وإن التوقيع واحد
يا حاجب المحكمة يا أطيب قلب في الجلسة
ترتيبنا رقم كام يا ولد ابوي في الجلسة
قال لي شكلك غشيم و باين عليك الغشم
في الجلسة
ده انهارده الدعاوى كتير بس إنتو
رقم إتنين في الجلسة
شوية و مش كتير و نادى الحاجب
على إسمي
بيني و بينكم ماخبيش فرحت أنا بإسمي
و افتكرت أيام الجهادية كان الشاويش
يقول حد عشان أقول واحد
وانا كنت أقول إسمي هههههههههه
ده القاضي شكله وسيم و عيونه خضرة
ربيعي
وخدوده حمرين يا بوي إبن عز و باشا حقيقي
وريحته حلوة قوي كولونيا زي بتاعتنا؟
ﻻﻻﻻ دي ورد و فل برفان غالي و طبيعي
قال لي البطاقة فين
أنا قلت موجودة
قال لي شغلتك إيه
أنا قلت بالجودة ..أي بالحسنى..
قال لي الخط ده خطك؟
أنا قلت يابيه خطي و توقيعي
قال لي عندك محامي؟
أناقلت يابيه اللي كتب على الجبين غلب
و حامي الحمى واحد
يا قاضي المحكمة أنا
ما أخدت منه دينار وﻻ بنس
ده بقاله كتير عن سنة
و احسبله من الخمسين خمس..ضمة على الخاء..
يكون جزائي كده يدخل لي شريك في الورث
يا قاضي المحكمة حاسب
دنا سكنته و آويته و قال لي ربنا يسهل
و يدفع تمن بيته قام لما شمعته و لعت
يزود اﻷندال واحد
قام بص علي(عليه انا) القاضي
و الحقيقة انه متحير
و ميل على المقلمة و سحب منها
قلم واحد
و بإيده الناعمة كتب من الحروف كلمات
و قال لي روح يا طيب و قصده إني عبيط
ما هو للكﻻم مدلول و عﻻمات
ساعتها فهمت الحكاية
إن الوفا و معاه الجميل مات
و خسرت أنا الدعوى و ربك
أحد واحد
ناصر السمان
موال الصبر
صاحبت صاحب يا هووه خد مني و ما أداني
ضيعني بمحبته وظلمني و أذاني
إديته من غير حساب و الجيب كان واحد
و مالي كان هو ماله و المسألة واحد
فرج علي الخﻻيق و جابني و وداني
دانا لما لقيته عريان في بيتي سكنته
واديته دور واحد
و جهزنا حبر و ورق و اللي كتب واحد
وكان شهود على الكتابة إتنين مش واحد
ما قبضت منه كتير و ﻻ جنيه واحد
و إديته عقده في إيده و إداني التمن صبر
من صوته و عنيه
و إللي يبيع باﻷجل محتاج له عﻻم وضمان
قالتها ستي زمان (إللي ما ربوهوش أهاليه يربيه الزمن وحديه..أي وحده..
قام لما ظروفة إرتاحت بدل مايسد الدين
شكاني و بكاني
و بعتلي في يوم حزين من المحكمة واحد
عشان يثبت الملكية وإن التوقيع واحد
يا حاجب المحكمة يا أطيب قلب في الجلسة
ترتيبنا رقم كام يا ولد ابوي في الجلسة
قال لي شكلك غشيم و باين عليك الغشم
في الجلسة
ده انهارده الدعاوى كتير بس إنتو
رقم إتنين في الجلسة
شوية و مش كتير و نادى الحاجب
على إسمي
بيني و بينكم ماخبيش فرحت أنا بإسمي
و افتكرت أيام الجهادية كان الشاويش
يقول حد عشان أقول واحد
وانا كنت أقول إسمي هههههههههه
ده القاضي شكله وسيم و عيونه خضرة
ربيعي
وخدوده حمرين يا بوي إبن عز و باشا حقيقي
وريحته حلوة قوي كولونيا زي بتاعتنا؟
ﻻﻻﻻ دي ورد و فل برفان غالي و طبيعي
قال لي البطاقة فين
أنا قلت موجودة
قال لي شغلتك إيه
أنا قلت بالجودة ..أي بالحسنى..
قال لي الخط ده خطك؟
أنا قلت يابيه خطي و توقيعي
قال لي عندك محامي؟
أناقلت يابيه اللي كتب على الجبين غلب
و حامي الحمى واحد
يا قاضي المحكمة أنا
ما أخدت منه دينار وﻻ بنس
ده بقاله كتير عن سنة
و احسبله من الخمسين خمس..ضمة على الخاء..
يكون جزائي كده يدخل لي شريك في الورث
يا قاضي المحكمة حاسب
دنا سكنته و آويته و قال لي ربنا يسهل
و يدفع تمن بيته قام لما شمعته و لعت
يزود اﻷندال واحد
قام بص علي(عليه انا) القاضي
و الحقيقة انه متحير
و ميل على المقلمة و سحب منها
قلم واحد
و بإيده الناعمة كتب من الحروف كلمات
و قال لي روح يا طيب و قصده إني عبيط
ما هو للكﻻم مدلول و عﻻمات
ساعتها فهمت الحكاية
إن الوفا و معاه الجميل مات
و خسرت أنا الدعوى و ربك
أحد واحد
ناصر السمان
موال الصبر
ليست هناك تعليقات:
إرسال تعليق