انا وليللي وقلب حزين ودمعة فعيني حيرانة
وفكرى يروح لاحلي حبيب بشوق ياما
يطول الليل مابين الوجد والشكوي
واخاف لا
الصبح ينسانا
واناجي الحزن من قلبي
واقوله ياريت تعطف علينا يوم وتسلانا
واقول
يمكن عنية تشوفه يوم في منامة
الاقي النوم خاصم عيني وعيني بدمعي
سهرانة
وانا وليللي وقلب حزين ودمعة فعيني حيرانة
وقلبي ودمعي يشكوا الليل
وليللي
بيشكي م الاتنين
وانا
اشكي الكل من حالي
اروح يارب
منهم فين
ولما اسرح بأفكاري
اتوه واحلم وانا صاحي
واقبله سعات
افوق وارجع بأحلامي
الاقي جوارحي
شيلالي عتاب واهات
ونرجع تاني نتعاتب
يمر اليوم علينا سنين
واقول الفرح
ليه غايب
وليه ياغرامي تهجرني تفوتني حزين
الاقي الليل بأسراره وقلبي ودمعتي
فعيني
معايا الكل متواعدين ---------------------
شعر والقاء /
احمد حلي
ليست هناك تعليقات:
إرسال تعليق