قصيدة ( مع السلامة ) للشاعر (( نبيل زيدان ))

مع السلامة يا ابو اجمل ابتسامة

تروح و ترجع لنا بالسلامة

اه يانا... ياما ح توحشنا ياما

بالاشواق احنا ح نستناك
يا واخد قلبى و روحى معاك
بس اوعى تلاقى قلب
يشغلك عننا و تنسانا هناك
دنيا قلابة و احنا فيها غلابة
يوم تجمعنا و يوم تفرقنا و يوم تنسانا
و مهما الايام تبعدنا ولا تغربنا
قلبى و روحى معاك يا نور العين
لو ح تغيب عننا سنة و لا اتنين
لا يوم و لا ليلة نقدر ننساك
اه يا واخد قلبى و روحى معاك
بالاشواق احنا ح نستناك
اه يانا.... ياما ح توحشنا ياما
مع السلامة يا ابو اجمل ابتسامة
تروح و ترجع لنا بالسلامة
كلمات نبيل زيدان