قصيدة ( وبشكرك ) للشاعرة المبدعة (( الهام شرف ))

وبشكرك
على كلمة حلوة قلتهالي النهاردة
و قلت لك
إني بحبك وفاتني بس كلمة واحدة
ما قلتهاش
عيونك حلوة في عيوني بتتوشوش
مع العشاق
وكل ما ابص في عيونك ألاقيني
كتير بشتاق
يا كلمة عايشه في خيالي بقالها سنين
بتتنفس
رسمها بالي في لحظة وانام واصحي
وانا وياك
أنا سيرتي على سيرتك في كل كتاب
ملينا سطور
عتاب مرسوم على صفحه تكون منه
سايبني ليه
وسايب شوقي في فراغه ...أنا مغرم
وبتأمل
دي كلمة منه تحييني لكن ما اعرفش
أتكلم
بصمت وذوق بقولها ليه بعتلي جواب
من كلمة
ورديت الهوى محنة لكن احنا على
إيديه بنتعلم
الهام شرف