........
💔 البعاد المر 💔.........
💔 البعاد المر 💔.........
بطعم الشوق الولف
البعاد المر الذي وقف
كالشوكة بالحلق
عاصية النتف
خايفة من الجراح
والم النزف
بعد ما نزف قلبي ورعف
دم المحبة وشغف
الريد الف الف *
يالحسرني. كملت الوصف
ما فضل غير مكان
ريدي الانجرف
والقلب الكان بشوفتك
يضطرب يصبح.مهفهف
زي غصينا يداعبه
النسيم يدور يدور.يلف
لكنه بعد الحصل
سكنه الأسى ووقف
محتار أظنه، مشتاق
لعله لكن بجد.سكنه الخرف
كأنه فراقك مش سنين
كأنه بس كان بالصدف
وياريت كمان ياريت
لا شفتك ولا كنت القيف
مكان عرفتك في
لحظة من فصل الصيف
وياهو الصيف القتل
شتلة الريده وما في خريف
بعد ما ساق سحابة
البينا دوي الريح المخيف. .!
...●.ود قطبي ● ......2017 / 1 /22
ليست هناك تعليقات:
إرسال تعليق