قصيدة بعنوان ( هقولك كلمتين ) بقلم الأستاذ (( محمود بدر )) ▬

هقولك كلمتين 

 

• •

ليالي عذابي معاكِ
كانت ليالي مُره ••
ما شوفت فيها هنا
ما ارتحت انا مَره ••
كنت جانبك فـ شدتك
بمسح بإيدي دمعتك
برسم ملامح ضحكتك
وتقولي عاوزه ابعد
ابعدي إنتِ حُره ••
عملت كل حاجه
عشان أنول الرضا
شيلتك جوا قلبي
ما شوفت غير قساكِ
اقسي كمان وكمان
خلاص مافيش امان
هتعود زيك أبعد
وانساكِ بالمره ••
قدمت الخير كتير
وأملي يأثر فيكِ
عليكِ كنت بغير
من كل إللي حواليكِ
آه من حكم القدر
يا خساره طبع البشر
يبيعو اقرب ماليهم
وقلوبهم زي الحجر
كنت فاكرك ملاك
هتصوني قلبي وحبي
لكن طلعتِ هلاك
هانت عليكِ العشره ••
مهما كتبت وقولت
انا وصف احساسي
صعب عليا يجرحني
اقرب حبايبي وناسي
سطر وقول يا قلم
واكتب فـ كرآسي
جرحني اغلى الناس
كان هو تاج رآسي
علمني اكون كداب
ما اعمل لحبه حساب
ما عليك والله عتاب
أصلك . دهب قشره ••
قالولي مالهاش امان
وابعد عنها وسيبها
قلبها مفيهوش حنان
ودا صعب تكون حبيبها
كدبت كل الناس
وعملت قلبي مداس
طلع مافيش إخلاص
فـ واحده الكبر صابها ••
ندمان اني حبيتك
ويارتني ما كنت لقيتك
ولا عيني شافت صورتك
وياريتني بجد نسيتك
هنساكي واعيش حياتي
هنسى وجعي وآهاتي
وهشيلك من عيوني
وامحيكِ من ذاتي
انا قولت فـ كلمتين
ع الناس الخداعين
إللي باعوا الحنين
وضيعوا حياتي ••

•
•

بقلمي ( محمود بدر )