قصيدة ( زرعتك فى القلب بستان ) للشاعر (( عماد الشاعر ))

زرعتك فى القلب بستان
طرح بدل الورد شوك
ولقيت فى حضنك بر الامان
نار بتكوينى مبروك
*********
انا كنت بسكر من نهر حبك
اللى اتخدع القلب فيه
معرفش ان مشغولا قلبك
بحب قولتى عليه كرهتيه
واتاريكى عايم فى انهاره
ويوماتى بتجرى على داره
علشان تدوبى فى انواره
مع ان كل مافيه بعوك
********
زراعتك فى القلب بستان
طرح بدل الورد شوك
********
طول عمرى بخاف ياحب منك
عشان عرفك كلك خداع
سنين طويله بعدت عنك
اكمنى شوفت كتير اوجاع
هديت قلبى لقلب ديب
وانا اللى كنت فاكره حبيب
لقيتنى فجا عنه غريب
ياريت تبعد قبل مايرموك
********
زراعتك فى القلب بستان
طر بدل الورد شوك
********
اسامحه ولا ادعى عليه
ولا مافكرش فيه تانى
عامل فيا ده كله ليه
هو كان شويه حنانى
ولا حضنى ماكنش دافى
ليه يخون القلب الوافى
ياما سقاه م الشهد الصافى
شوف ياقلبى ازاى دسوك
********
زراعتك فى قلبى بستان
طرح بدل الورد شوك
ولقيت فى حضنك بر الامان
نار بتكوينى مبروك