قصيدة ( العشق الملام ) للشاعر دكتور (( سمير فوزي عمر ))

{ العشق المُلام}:::...

بقلم ..د/ سمير فوزي عمر

الشَعْر زاره الشيب
والقلب مني شباب
اقول ياقلب عيب
يقول الهوى غلاب
العشق ليا نصيب
وجداري منه داب
ولا عمره عني يغيب
ولا عنه يٌحشني عتاب
........********..........
عاشق انا ياناس....
والعشق كمان زادي
ولا ليا منه خلاص...
ولا عشقي كمان هادي
قولولى اعمل إيه....
والعقل لايمني
والقلب كل مافيه
نيران بتصهرني
........********...............
عايش انا للحب ...
وسعدي انا فيه
ولا ليا منه طِبْ.....
ولا يوم هجافيه
الحب مايعرف عيب...
ولا له زمان ومكان
وكل قلب حبيب...
بالخير كتير عمران
........********..............
قولولي ياهل الهوى....
مين اللي قال ف الحب....
الشيبة تمحي الجوي....
ولا تموت قلب
عاشق انا ياناس..
والعشق زاد قلبي
وعايش انا باحساس
اهداني بيه ربي
........********..............
خلق القلوب خلاق.....
بالحب طهرها
وجعل الوفا أخلاق....
والصدق نور دارها
ماتقولو عيب ياخلق....
على نعمة الخالق
دا القلب بيه بيرق...
وكل جميل عاشق
...{ من ديواني ........عامية سمير فوزي}