مستحيل ألقي وطن
زيك بيضحك فى المحن
بيحب كل الناس قــوى
ولا عمره فكّر فى الفتن
دمك خفيف رغـــم الألم
بتواسى كل اللى انظلـم
هنعيش نحبك يا وطــن
مستحملين همّ الزمــن
مسلم مسيحى مفيش فراق
حب وسعادة مفيش نفاق
كــــــــان اللى بينا اتفـاق
روحنا فــــداك هى التمن
وإن حبّوا مـرة يفهموك
أو مــــرة حبّوا يتوهوك
ويقولوا أولادك سـابوك
أوعاك تصـــدق يا وطن
إحنا بنعشـــــق ضحكتك
نتمنى تفضـــــل فرحتك
ولا مـــــرة تنزل دمعتك
ونكون فداك رغم الشجن
الشاعر / ناصر عبد المقصود
ليست هناك تعليقات:
إرسال تعليق