بين عيونا مية ألم
متوجعين رغم السنين
كل اللى بينا احساس حزين
وكتاب بيشكى من القلم
فيه ناس بتشكى من الفراق
وكتير بيحكى إنه انظلم
وأهى دنيا دايرة على البشر
والحزن مكتوب ع البصر
وما عاد يفيد حتى الصبر
وياريت يا قلبى تكون صنم
لكن أعمل إيه قلبى الجريح
دايما فى حب الناس صريح
بيعلم الناس المــــــــــــديح
والحزن فوق وشه اترسم
ليه الحياة صبحت بتشكى فرحتى
مستكترة لو مرة واحدة ضحكتى
تتمنى تنزل دمعتى
ومرايتى شاكية من الألم
الشاعر / ناصر عبد المقصود
ليست هناك تعليقات:
إرسال تعليق