لحظة عتاب
يعني ايه أفضل أخبي جوا قلبي
حب أقوي من سنيني
يعني ايه أفضل أداري في الليالي
قلب عاشق يكتوي من نار حنيني
كــــــــل أملى يا حبيبى تكــون نصيبى
قــــــوم وصرخ احمى حبك واشترينى
يعنى إيه أفضـــــل أضحى أبقى وحدى
وأنت خايف من عيون الناس يا عينى
اللى بينا حب أقـــــــــــوى من كلامهم
مستحيل نسمع يا عمرى يــوم ملامهم
العذاب اللى إحنا عشناه مش فى بالهم
يبقى ليه نعمل حسابهم قـــــوم نادينى
ثور وخلى الناس تصـــــــدق إن قلبك
قلب عاشق عـــرّف الناس معنى حبك
ولو كلامهم أو ملامهم لحظة شـــــدك
افتكر إنى بحبك جوا قلبك قوم دارينى
الأمــل خليّه فى بكرة بكـــــــــرة أحلى
والحياة طول ما أنت جنبى أكيد هتحلى
اعتبر إن اللى بينا يــــــا عمرى رحلة
تبتدى من يوم ما شـــــوفتك بتراعينى
وأوعــــــدك إنى أضحى لأجل خاطرك
هو مين فى الدنيا أصــــلاً غير حبيبى
أنت عمــرى وأنت أهلــــى وأنت ناسى
مش هأفكــــــر يوم أسيبك لــــو هآسى
اشتريك طبعاً ده حقــــك أنت نـــــــاسى
إن حبك جـــــــوا قلبى شئ أســـــــاسى
لو فارقتك لحظة واحــــــــدة يزيد لهيبى
الشاعر / ناصـــــــــــــــــر عبد المقصود
ليست هناك تعليقات:
إرسال تعليق