أفرح عدى بقلم الشاعر جمال السواح

 أفرح عدى

حلمك شايل دقات قلبى
أجرى وأفرح عدى
خلى جمال الدنيا بعينك
وأوعد نفسك إنك قادر
بس ياريت ماتنسى الوعد
شفت فى مشيك خطوه جرئه
كل دموع الدنيا بعينك
دمعه بريئه
لم الدنيا جوه كفوفك
إقتل خوفك
إزرع راية النصر فى جوفك
ولع شمعه أنهض كافح
المستقبل جيلك زاحف
ممكن بكره تبقى رئيس
بس أوعدنى بلاش تدليس
إرجم بثقفتك أبليس
أكتب أسمك فوق الشمس
أرسم وكأنك فنان
غير طعم الدنيا فى ذاتك
خلى جميع البشر أخواتك
خلى صوتك يملى الدنيا
خلى الدنيا تحس سوكاتك
حلمك شايل دقات قلبى
أجرى وأفرح عدى
-------- \ كتب جمال السواح