ليه القمر
************
ليه القمر نايم زعلان
وعشان كده ..
مش راضي يبان
بدأت أخاف انا من خوفه
سنه وانا نفسي اشوفه
واطلعه بره كسوفه
إيده في أيدي ..
ف كل مكان
ابعت رساله للسحابات
مع البنات الحلويات
يروحو رحله سريه
ويخطفوه
ويجيبوه ليه
اقوله انا شفته بقلبي
من قبل ما تشوفه عنيه
زارني ف منامي
مع الفراشات
وشبعت وياه ملاغيه
وصحيت وقلت
يارب ياريت
صحيت لقيته
نايم جنبي
الفرح نور كل البيت
والهم اصبح
في خبر كان
ليه القمر
نايم زعلان
وعشان كده
مش راضي يبان
*************
ليست هناك تعليقات:
إرسال تعليق