راحت فين دعوة الفجرية
من قلب حنون ياخسارة
نسي الحنية
راحت فين الحكاوي
والقاعدة علي القهاوي
راحت فين وشوشة الودان
بالكلمة الطيبة وقت الادان
مش كلام الخرفان
راحت فين ساعة العصاري
والشاي واكل التسالي
راحت فين لمة الفرحة
والكوشة والعروسة الحلوة
مش بهرجة وتكاليف فارغة
راحت فين واقفة الرجالة
والخوف علي امي وامك
وجميع ستات الحارة
راحت في القلوب المسامحة
مش قلب يغشك و يطعنك من خلفة
راحت فين امثالنا القديمة
الصديق وقت الضيق
اصل الضيق بقي رفيق
اللي شيفينه ان الزمن بقي استايل
تلبسه ويلبسك والعكس يا اكسلنس
اهل زمان قالوا ما غريب
الا الشيطان لالا ده بقي الشيطان
من الاهل و من الجيران
وعايش في بيتنا وساكن في قلوبنا
ومش عاوز يفتنا
فراح اللي راح وما بقاش غير وشوشنا
والله يرحم وشوش جدودنا
.............. بقلم / ندي محمد
ليست هناك تعليقات:
إرسال تعليق