قصيدة هحس بيك بقلم تامر السيسي

هحس بيك
عرفت انك لو داريت عنى الالم .
هحس بيك من غير ورق ولا قلم.
ولو داريت لحظه دموعك .
هشوف ملامحك هعرفك.
حاسس بقلبك بيبكى .
حاسس بالمك بيشكى.
سامع فى صوتك صرختك .
شايف فى عينك دمعتك.
مستنى حد يمدلك.
اديه ويمسح دمعتك.
يا حبيبى ليه تغمض عنيك.
علشان مشفش دموع عنيك.
دانا لما بسمع صوتك انت.
قلبى هو اللى بيحس بيك.
حتى فى غيابك وبعدك.
لما تتالم بحسك.
مهما تدارى ولا تضحك.
حاسس باللى جوه منك.
مش قولتلك فى يوم عشقتك.
يبقى قلبى حس الامك