بحبك يامصر ..... شعر / م . محمد الجوجرى
مع قرب انتهاء عام وميلاد عام آخر أكتب هذه الكلمات فى حب مصر
أنا مصري
وتراب مصر فوق راسى
وتراب مصر فوق راسى
هى عشقى
وفيها أهلى وناسى
من زرعها كلت
وضربت فى أرضها فاسى
وفى حضنها نمت
وهواها أنفاسى
ومن نيلها شربت
واتربى إحساسى
دى خيرها عليه
عمرى ماكون ناسى
هاطبطب عليها
وعمرى ماكون قاسى
عهد عليه يامصر
عمرك ماتنداسى
طول مافيا نفس
دم عدوك كاسى
الزل مش قدرك
والخضوع مش كاسك
أرضك مقبره للعادى
والخاين تحت مداسك
دى العزه منشأك
وهيكلك وأساسك
دانتى مقامك كبير
وماحد قد مقاسك
عظمة تاريخ مجدك
وعزيزه لسه بولادك
لو حد فكر يجرحك
يلاقى خير أجنادك
يامنوره الدنيا كلها
ياكايده حسادك
ربى يصون عرضك
أحنا كلنا حراسك
محروسه من ربك
وبهلالك وأجراسك
ليست هناك تعليقات:
إرسال تعليق