قصيدة ( بين ضلوعي سكنت آهاتك ) للشاعر المبدع (( شعباي أحمد ))

لو بيننا كلام ممكن يتقال
غير اللى كل الناس تعرفه
يبان على كل الملامح
والرموش متحيره
طالعه ترف نازله ترف
على عيون جميله متكحله
لونها أسير يخطف أوام
كل نظره متغندره
شايفك بعينى لأ بقلبى
ولا أقولك شايفك بروحى
بين ضلوعى سكنت آهاتك
وكل دقه سكبتها نزلت بقلبى
كانت بتغنى وكان كلامها
فاتت من جنبى عدت عليا
شافتها عينى أموره جميله
تسحر قلوب متبعثره
ولا خدودى لونها يروح
يغيب ويبقى ألف لون
لما باشوفك يجرى الكسوف
على ملامحى وابقى فى حالى
والله ماادرى باللى جرى
عيونى ترمش وقلبى يرقص
واحس إنى بدنيا تانيه
تلف بيا زى دوامه
تاخد وتجرى قلب أبيض
من غير تفسير ولا ترجمه

شعبان أحمد.......مصر