هرب الولا لما اتبلى بالمهزلة
واتمنى يــــرجــــع للوطـــــــــن
لكن الوطـــــــــن صــــــــابه الغلا
والحـلم أصبح فيه كــــابوس
والضعف ســـــاكن فى النفوس
وهيعمل إيه ويــــــــا اللصـــوص
ومفيش فلوس تقــــدر تحل المسألة
والشعر شاب ويــا اكتئاب
والهم ســــــــاكن فى الشباب
والطفل فى عينيه العــــــــــذاب
خـــــــــــــــــــــــــــايف ليكبر يتبلى
النــاس بتشكى من الألم
ومفيش قـــــــــــــــــــلم
ممنـوع كتـــابة أى شئ
صدر القرار والدنيا نار
والحـكم ظــالم ع البرئ
والليل بيضحك ع النهار
والهم أصبح ليه جرئ ؟
كان نفسى أضحك بالقوى
والهم صفحـة وتنطــــوى
لكن الألم كــــــان فهلوى
مستنى ايه من شئ بذئ
الناس بتبكى على اللى راح
ما كفاية يا هم الجـــــراح
أمتى هنصحى على الصباح
ولا يبقى فينا انسان غريق
الكل شاكى من الوجـــــــع
والدمع فوق عين الجــدع
يا حلم بكــــره اللى اتمنع
افتح لنا للنور طـــــــريق
أمتى هتــــــــــرجع يا ولا
علشان نحل المســــــــألة
ونعيش ســــــــــــــــــــوا
ونكمل الحــــــــــلم البرئ
الشاعر / ناصر عبد المقصود
ليست هناك تعليقات:
إرسال تعليق