يابكرا ياللى غايب
انت جاى ولا رايح
هستنى كتير ولا
هتيجى ويا الحبايب
غايبين بقالهم سنه
ماعرفت ايه اللى صاير
بفراقهم زاد الجفا
واتغيرت الملامح
يا بكرا ياللى جاى
بحلمى الصغير
معاك الفرح ولا
نسيت ومتحير
بتعتب عليا ولا
نتصالح وتتغير
وتجيب معاك السعد
والحزن يتبدل
يا بكرا ياللى بعيد
شوقى اليك بيزيد
مبقاش صبرى حديد
شبعت خلاص تنهيد
كمل بقا فرحتى
ورينى حال تانى
أصل الزمان اشتكى
من كتر ما جافانى
يا بكرا اصفى وسامح
خلليك كريم المجايب
هات من جيوب الأمل
انا مش كتير المطالب
دا حلم قليل بسيط
خلليك كريم وجاوب
اصحى على زغروته
تلم عليا الحبايب
ليست هناك تعليقات:
إرسال تعليق